ဖြူဖြူကျော်သိန်းဆိုတာ အနုပညာလောကမှာ မသိသူမရှိလောက်အောင် အောင်မြင်ခဲ့တဲ့ အဆိုတော်တစ်ယောက်ဖြစ်ပါတယ်။Myanmar Idol အစီအစဥ်မှာလည်း ဒိုင်တစ်ဦးအဖြစ်ပါဝင်ခဲ့တဲ့ ဖြူဖြူကျော်သိန်းက လက်ရှိမှာတော့ အကြောင်းအမျိုးမျိုးကြောင့် အနုပညာအလုပ်တွေကို အရင်ကလောက်မလုပ်နိုင်ပဲ ရပ်နားနေခဲ့တာပါ။အခုအခါမှာတော့ဖြူဖြူက၂၁ နှစ်သမီးရဲ့ ဖွင့်ဟဝန်ခံချက်ဆိုပြီး
ဒီနေ့က ဖြူဖြူ့အနုပညာသက်တမ်း ၂၁ နှစ်ပြည့်တာပေါ့။ အနုပညာမွေးနေ့ ဆိုပါတော့။ ဒီကာလတလျှောက် “အဖြူက သိပ်လူပေါင်းမှားတတ်တယ်” လို့ ပရိသတ်တွေက ပြောကြလွန်းလို့…မှန်ဖူးတာလေးလည်းရှိတဲ့အကြောင်း လာပြတာနော်😁။
၂၀၂၀ ဩဂုတ်က ထုတ်ခဲ့တဲ့ခွေ၊ ဘဝမှာ နောက်ဆုံးထုတ်ခဲ့တဲ့ခွေ၊ တစ်ခုတည်းသော duet ခွေ။ တစ်ခွေလုံးကို Cobra COBRA – The Singer ရေးတာ။ အဲ့အချိန်က အတော်ရုန်းကန် promote လုပ်ခဲ့ရတာ။ “အရမ်းနာမည်မကြီးတဲ့ artist နဲ့ ဘာလို့လုပ်တာလဲ”တဲ့…မေးရက်ခဲ့ကြသေးတာ🥺။
ကိုယ်ပိုင်သံစဥ်ဆိုတာ မြန်မာ့ခေတ်ပေါ်ဂီတစျေးကွက်မှာ ခေတ်မစားခင် 2010 မတိုင်ခင်ခေတ်တွေတည်းက Cobra ဟာ ကိုယ်ပိုင်သံစဉ်ချည်း ဖန်တီးတဲ့ ရှားပါး တေးရေးတေးဆိုတစ်ယောက်ဆိုတာ၊ Artistic value တို့ ဘာတို့ ဆိုတာ ရှင်းပြရ အင်မတန်ခက်နေခဲ့တာလေ🥺။အနုပညာတန်ဖိုးသာမက၊ လူစစ်စစ်တန်ဖိုးပါ ရှိနေတဲ့ သူငယ်ချင်းဖြစ်နေလို့ ဂုဏ်ယူရပါတယ်။Cobra ကြီးရေ…ပြည်သူပရိသတ်ကို ကျောမခိုင်းတဲ့အနုပညာရှင် လုပ်ဖော်ကိုင်ဖက် သူငယ်ချင်း တစ်ယောက်အဖြစ် ရှိနေပေးလို့ ပရိသတ်တွေနဲ့ထပ်တူ ကျေးဇူးတင်ပါတယ်။
ကိုယ်နဲ့ collab လုပ်ခဲ့ဖူးပြီး၊ ပရိသတ်အားပေးမှုကို ကိုယ်နဲ့တွဲပြီး ကြီးကြီးမားမားရခဲ့ဖူးသူတွေက ပရိသတ်ကို မထီမဲ့မြင်ပြုကြတဲ့အခါ…ကိုယ်က ကြားထဲကနေ အပြစ်ရှိသလို၊ ပရိသတ်အပေါ် အကြွေးတင်သလို ခံစားကြေကွဲရလို့ပါ💔။ဒီကြားထဲမှာ ထုတ်လုပ်ရေး အပြောင်းအလဲတွေကြောင့် ခုမှပဲ ဒီခွေလေးကို digital platform တွေမှာ ပြန်တင်ပေးနိုင်တော့တယ်။ မသိသေးတဲ့သူတွေ အများကြီးရှိမှာဆိုတော့ အသစ်လို့ပဲ မှတ်ပြီး၊ နားထောင်လိုက်တော့နော်။မန့်မှာ လင့်ခ် ချပေးထားပါတယ်။ (ကဲပါ…ယူတို့ ပြောပြောနေတဲ့ တ.လ.အားတစ်တွေကို အားပေးချင်ပါတယ် ဆိုရင်…နှစ်ယောက်ပူး တစ်ပြိုင်တည်း 2 in 1 အားပေးရတော့ ပိုအဆင်ပြေတာပေါ့နော်😜။)
ဒီနေ့မှာ ဖန်တီးမှုအသစ်တွေ ပေးချင်ပေမယ့် ဒီကြားထဲ ကျန်းမာရေး ခြူခြာသွားလို့ သီချင်းသစ် မစီစဉ်နိုင်တော့လို့ပါ💔။
ခွေနာမည်က…”သဝန်တိုတာအရမ်းချစ်လို့” တဲ့….သီချင်းခွေလေးကိုလည်း ပရိတ်သတ်ကအားပေးကြဖို့ပြောသွားခဲ့တာပဲဖြစ်ပါတယ်
