ကရင်မလေး နော်ဖော်အယ်ထားက အခုနှစ်တွေအတောအတွင်းမှာတော့ ရုပ်ရှင်ဇာတ်ကားတွေ၊ ဇာတ်လမ်းတွဲတွေမှာ သရုပ်ဆောင်လာနိုင်ခဲ့ပါတယ်။ ချစ်စရာကောင်းတဲ့ရုပ်ရည်ရှိတဲ့အပြင် သရုပ်ဆောင်လည်း ကောင်းလို့ မင်းသားကြီးတွေနဲ့တောင် ရိုက်ပြီး ရိုက်ကူးနေရပါပြီ။ အချို့က နော်ဖောအယ်ထားကို မလှဘဲနဲ့ မင်းသမီးဖြစ်လာတယ်ဆိုပြီးတော့ ကဲ့ရဲ့လှောင်ပြောင်ကြပါတယ်။
အဲဒါကြောင့် နော်ဖောအယ်ထားက တက္ကသိုလ်တက်စဉ်ကတည်းက လူကြိုက်များပြီးတော့ နာမည်ကြီးခဲ့ကြောင်းကို ထုတ်ကြွားလိုက်ပါတယ်။ နော်ဖော်အယ်ထားက မန္တလေး နိုင်ငံခြားဘာသာတက္ကသိုလ်မှာ ပြင်သစ်ဘာသာအထူးပြုနဲ့ တက္ကသိုလ်တက်ခဲ့ပါတယ်။တက္ကသိုလ်ကျောင်းသူ စဖြစ်တဲ့အချိန်ကတည်းက ချောမောတဲ့ရုပ်ရည်ကြောင့် လူသိများခဲ့ပါတယ်။ ပထမနှစ်မှာ တစ်ကျောင်းလုံးရဲ့ queen အဖြစ်လည်း ရွေးချယ်ခြင်းခံခဲ့ရပါတယ်။
ဒါကြောင့် ကျောင်းမှာလည်း နော်ဖော်အယ်ထားက ပေါ်ပြူလာအဖြစ်ဆုံး ကျောင်းသူတစ်ယောက်ဖြစ်လာခဲ့ပြီး နောက်ဆုံးနှစ်မှာလည်း နောက်ထပ်တစ်ကြိမ် queen အဖြစ် ထပ်မံရွေးချယ်ခံခဲ့ရပါတယ်။ မန္တလေးတိုင်းဒေသကြီးအတွင်းမှာ ရှိတဲ့ တက္ကသိုလ်တိုင်းက queen တွေ အားလုံးစုပြီး ပြိုင်ကြတဲ့ပွဲမှာလည်း နော်ဖော်အယ်ထားကာ မန္တလေးတိုင်းက တက္ကသိုလ်ပေါင်း ၂၄ ကျောင်းစုံထဲမှာမှ အလှဆုံးqueen ဆုကို ရရှိသွားခဲ့ပါတယ်။
ကြော်ငြာလေးတွေ စတင်ရိုက်ရာကနေ နာမည်ကြီးခဲ့တဲ့နော်ဖောအယ်ထားက အခုတော့ အနုပညာလောကမှာ လူသိများတဲ့မင်းသမီးတစ်ယောက်ဖြစ်လာခဲ့ပါတယ်။ ဇာတ်လမ်းတွဲတွေသာမကဘဲ ရုံတင်ရုပ်ရှင်ဇာတ်ကားကြီးတွေမှာလည်း သရုပ်ဆောင်ခွင့်ရလာခဲ့ပါတယ်။ မကြာခင်မှာလည်း နေတိုးနဲ့အတူတူ ရိုက်ကူးထားတဲ့ ရုပ်ရှင်ဇာတ်ကားကြီးကလည်း ရုံတင်ခွင့်ရတော့မှာဖြစ်ပါတယ်။
