မေမီကိုကိုက MRTV 4 က နာမည်ကြီးမင်းသမီးတစ်ယောက်ဖြစ်ပြီး ပျားရည်အိုင်ဇာတ်လမ်းတွဲမှာကတည်းက နာမည်ကြီးခဲ့ပါတယ်။ မေမီကိုကိုက ဇာတ်လမ်းတွဲတွေ ရိုက်ကူးတာများပြီး သဘင်သည် မြနှင်းဆီ ရုပ်ရှင်ဇာတ်ကား အမိုက်စားသရုပ်ဆောင်ချက်တွေကို trailer လေးနဲ့ ပြသခဲ့ပါတယ်။
မေမီကိုကိုက သဘင်သည်မြနှင်းဆီရုပ်ရှင်ဇာတ်ကားကြီးကို ရိုက်ကူးနေတဲ့အကြောင်းကို ပရိသတ်တွေအားလုံး စပရိုက်ဖြစ်သွားအောင် ဖုံးကွယ်ထားခဲ့ပါတယ်။ သဘင်သည်မြနှင်းဆီရုပ်ရှင်ဇာတ်ကားကြီးကို စက်တင်ဘာလ လဆန်းမှာ ရုံတင်ပြသသွားတော့မှာဖြစ်ပြီးမေမီကိုကိုက မြနှင်းဆီရဲ့အမေငယ်ဘဝအဖြစ် သရုပ်ဆောင်ထားပါတယ်။ ဇာတ်ကားအမြည်းနဲ့တင် မေမီကိုကိုဟာ သရုပ်ဆောင်ကောင်းသူတစ်ယောက်ဖြစ်ပြီး အကယ်ဒမီတန်းဝင်နိုင်တဲ့ မင်းသမီးတစ်ယောက်အဖြစ် ချီးကျူးမှုတွေကို ရရှိခဲ့ပါတယ်။
သဘင်သည်မြနှင်းဆီရုပ်ရှင်ဇာတ်ကားက သီပေါမင်းပါတော်မူတဲ့ခေတ်ကို နောက်ခံထားပြီး ရိုက်ကူးထားတဲ့ဇာတ်ကားဖြစ်တဲ့အပြင်ဇာတ်အိမ်ကကြီးပြီးတော့ အပီအပြင်လုပ်ရမှာဖြစ်တာကြောင့် အချို့မင်းသမီးတွေက မလုပ်ရဲကြဘဲ ငြင်းလိုက်ကြပါတယ်။ မြနှင်းဆီရဲ့အမေ မြစန်းကြည်နေရာကို သရုပ်ဆောင်ဖို့အတွက် မင်းသမီး ၈ယောက်ကို ကမ်းလှမ်းခဲ့ပေမယ့်လည်း ငြင်းလိုက်ကြပါတယ်။ မေမီကိုကိုကတော့ ဒီကြောက်စရာကောင်းတဲ့ ဇာတ်ရုပ်ကို အကောင်းဆုံးလုပ်သွားနိုင်ခဲ့ပါတယ်။ သူများတွေ မလုပ်ရဲတဲ့ဇာတ်ရုပ်ကို သရုပ်ဆောင်နိုင်တာကြောင့် အခုအချိန်မှာတော့ မေမီကိုကိုက အကယ်ဒမီအတွက် ထင်ကြေးတွေတောင်အပေးခံနေရပါတယ်။
တစ်ဖက်မှာလည်း မေမီကိုကိုကို သူများငြင်းလိုက်တဲ့ ဇာတ်ရုပ်တွေပဲ လိုက်ရိုက်တယ်ဆိုပြီးတော့ နှိမ်နေကြတာကြောင့် သူ့အတွက် အနည်းငယ်တော့ ခံစားရတယ်လို့ ဆိုပါတယ်။ မေမီကိုကို ငြင်းလိုက်တဲ့ဇာတ်ကားကို သူများရိုက်လို့ အောင်မြင်သွားတာတွေလည်း ရှိပါတယ်။ မေမီကိုကိုကတော့ ဒီဇာတ်ကားနဲ့ ကံစပ်တာကြောင့် လူကြိုက်များသွားတာပါလို့ ဆိုပါတယ်။ အမြင်အမျိုးမျိုးနဲ့ သူ့ကို ဝေဖန်ကြပေမယ့်လည်း မေမီကိုကိုကတော့ ကိုရီးယားက ဂျူမုံတောင် မင်းသားတွေ ငြင်းခဲ့ပေမယ့်လည်း သူရိုက်ခဲ့လို့ ကမ္ဘာကျော်သွားခဲ့တယ်လို့ ဆိုပါတယ်။ အဲဒါကြောင့် သူများငြင်းလိုက်လို့ နာမည်ကြီးတာမဟုတ်ဘဲ ကိုယ်ပိုင်အရည်အချင်းကြောင့်သာ နာမည်ကြီးသွားခဲ့တာပါဆိုပြီး မေမီကိုကိုက ဘယ်သူကိုမှ မထိခိုက်စေဘဲ ရှင်းပြသွားခဲ့ပါတယ်။#crd
