အာ ဇာ နည် နေ့ သမိုင်း

၁၉၄၇ ခုနှစ် ဇူလိုင်လ ၁၉ ရက်နေ့ မနက်ခင်း ၈နာရီခွဲခန့် အချိန် ။ ဟော့ဆင်ထရပ် ကားတစင်း သည် ရန်ကုန်မြို့လည်ကောင်သို့ ဦးတည်မောင်းနှင်လာနေသည်။ ထိုကားသည် ဒါလ်ဟိုဇီလမ်း(ယခုမဟာဗန္ဒုလလမ်း)နှင့် ၄၂ လမ်းထိပ်တွင် ရပ်တန့်လိုက် သည် ။ ကားထဲ တွင် မောင်နီတဦးသာ ကျန်ခဲ့ပီး ခင်မောင်ရင်နှင့် ဘညွှန့် မှုန်ကြီးတို့က အတွင်းဝန်ရုံးသို့ ကင်းထောက်ရန်ထွက်ခွာသွားပီး အစည်းအဝေးရှိမရှိ မေးမြန်း စုံစမ်းသည် ။ မကြာခ င်မှာပဲ ခင်မောင်ရင် က သူရိယ သတင်းစာ တိုက်မှ တယ်လီဖုန်းမှတဆင့် သူ၏ ဆရာဦးစောထံသို့ စကားဝှက် တခုဖြင့် သတင်းပို့ လိုက်သည် ။ ထိုစကားဝှက် မှာ “ ပစ္စတင်ကွင်းများ ရရှိပါပီ” ဟူ၏။


ထိုသတင်းရပီးသည်နှင့် ဦးစော၏ အေဒီလမ်းနေအိမ်မှ ဂျစ်ကားတစီး အရှိန်ပြင်းစွာ မောင်းထွက်သွားပီး အချိန်မှာမူ မနက် ၁၀နာရီခန့်ရှိပေပီ။ ကားမောင်းသူ သုခ၏ ဘေးတွင် မောင်စိုးစီးနင်းလာပီး နောက်ဘက်တာလပတ်အောက်တွင် ကွေးအိပ်လိုက် ပါလာသူများ မှာ မောင်စိန်၊သက်နှင်းနှင့် ရန်ကြီးအောင်တို့ ဖြစ်သည်။ ထိုသူတို့သည် တယောက်စီထံတွင် တော်မီဂန်းတလက်စီကိုင်ဆောင်ထားကြသည်။ ရန်ကြီးအောင်ကမူ စတင်းဂန်းသေနတ် ကို ကိုင်ဆောင် ထားသည် ။ သူတို့သည် စစ်ဝတ်စုံ ကို ဝတ်ထားပီး အပျော့စားစစ်ဦးထုတ်ကို ဆောင်းထားကြသည် ။ လက်မောင်း တံဆိပ်မှာမူ အင်္ဂလိပ်မြို့စောင့်တပ် အမှတ် ၁၂ ၏ တံဆိပ်ကို တပ်ဆင်ထားသည်။


၎င်းတို့ ထွက်ခွာလာသည်နှင့် မရှေးမနှောင်းမှာပင် ဗိုလ်ချုပ်အောင်ဆန်း သည် တာဝါလိန်းရှိ သူ၏ နေအိမ်မှ စတင်ထွက်ခွာလာခဲ့သည်။ ထိုနေ့က ဗိုလ်ချုပ်သည် လည်ကတုံးအဖြူရောင်ရှပ်အကျီ၊ ပိုးတိုက်ပုံနှင့် ရွှေဝါရောင်ပိုးလုံချည်တို့ကို ရှားရှားပါးပါး ဝတ်ဆင်ထားသည် ။ ထို့နောက် အတွင်းဝန်ရုံး သို့ ထွက်ခွာလာပေတော့သည် ။


ထိုအချိန်မှာပင် ဘညွှန့် သည် အတွင်း ဝန်ရုံးထဲ တွင် သူလုပ်ကြံရမည့် သားကောင် ကို လိုက်လံရှာဖွေနေသည် ။ သူလုပ်ကြံရမည့်သူမှာ ဗိုလ်ချုပ်၏ သူငယ်ချင်းလဲဖြစ် လွှတ်တော်ဥက္ကဌလဲဖြစ်သူ သခင်နုဖြစ်သည်။ သခင်နု၏ အခန်းထဲတွင် လူတယောက်ထိုင်နေသည်ကို တွေ့ရသော လည်း ထိုသူမှာ သခင်နုမဟုတ်ပေ။ ထိုနေ့က သခင်နုသည် ဘိလပ်မှပြန်လာပီး နေမကောင်းသဖြင့် အိမ်တွင်ပင် အနားယူနေခြင်းဖြစ်သည်။ ဇူလိုင် ၁၈ ရက်နေ့ ညကပင် ဗိုလ်ချုပ် သည် သခင်နုအိမ် သို့ သွားရောက်ခဲ့သေးသည်။ ထို့ကြောင့် သူသည် ခင်မောင်ရင် ရှိရာ ဖို့ဆင်ထရပ်ကား အနီးသို့ ပြန်လာပီး စကားစမြည်ပြောနေချိန်မှာပင် သိမ်ဖြူလမ်းအတိုင်း အပြင်းမောင်းနှင်လာသော ဂျစ်ကားကို မြင်တွေ့လိုက်ရလေသည်။

ထိုအချိန်မှာပင် အတွင်းဝန်ရုံး ၏ အနောက်ဆောင်အပေါ် ထပ်တွင် တိုင်းပြုပြည်ပြု အစည်းအဝေး စတင်ကျင်းပနေပီဖြစ်သည်။ U ပုံစံခင်းကျင်းထားသော အစည်းအဝေးတွင် ဗိုလ်ချုပ်က ထိပ်ဆုံးတွင် ထိုင်နေလျက်ရှိပီး ဗိုလ်ချုပ်၏ ကပ်လျက် ဘယ်ဘက် တွင် ထိုင်နေသူမှာ ဦးရွှေဘော် ညာဘက်တွင်ထိုင်နေသူမှာ အတွင်းဝန်ဦးအုန်းမောင်ဖြစ်သည်။ ခုံတန်း၏ ညာဘက်ခြမ်းတွင် သခင်မြ၊ ဦးရာဇတ်၊ ဦးဘဝင်း၊ ဒီးဒုတ် ဦးဘချိုနှင့် မန်းဘခိုင်တို့ ဖြစ်ကြသည်။ ဘယ်ဘက်ခြမ်းတွင်မူ ဦးဗဂျမ်း၊ ဦးအောင်ဇံဝေ၊ ပျော်ဘွယ်ဦးမြနှင့် မိုင်းပွန်စော်ဘွားကြီး စဝ်စံထွန်းတို့ဖြစ်ကြသည်။ အစည်းအဝေးကို ၁၀နာရီခွဲ တွင် စတင်သည် ။ ထိုအချိန် တွင် သယ်ယူပို့ဆောင်ရေးနှင့်လမ်းပန်းဆက်သွယ်ရေးဝန်ကြီးဌာန အတွင်းဝန်ဦးအုန်းမောင်တယောက် အခန်းတွင်းသို့ ဝင်ရောက်လာသဖြင့် အစည်းအဝေးကို ခဏရပ်နားလိုက် သည် ။ ဦးအုန်းမောင်သည် ဝန်ကြီးစောစံဖိုးသင်ကိုယ်စား အရေးပေါ်ကိစ္စတခုကို လာရောက်တင်ပြခြင်းဖြစ်သည်။ စောစံဖိုးသင်နဲ့ ပြည်ထဲရေးဝန်ကြီး ဦးကျော်ငြိမ်းတို့မှာ ဘိလပ် သို့ သွားရောက်နေသဖြင့် ယခု အစည်းအဝေးတွင် မတက်ေ ရာက် ခဲ့ပေ။


အတွင်းဝန်ရုံးမုခ်ဦးတွင် မူ ထရပ်ကား တ စီး၏ နောက်မှနေ၍ ဂျစ်ကားသည် အစစ်အဆေး အဆီးအတားမရှိပဲ ရုံးအတွင်းသို့ ဝင်ရောက်လာပီဖြစ်သည်။ ထို့နောက် သေနတ်များကို ကိုင်ဆွဲ၍ အပေါ်ထပ်သို့ ခြေသံပြင်းပြင်းနှင့် တက်လာကြပေတော့ သည် ။ ရှေ့ဆုံး မှ လမ်းလျှောက်လာသူ မှာ မောင်စိုးဖြစ်ပီး သေနတ်ကိုင်လူ စုစုပေါင်း ၄ဦး တက်လာကြခြင်းဖြစ်သည်။ တံခါးပေါက်ဝအနီးတွင် စောင့်ဆိုင်းနေရသော အစောင့်ဖြစ်သူ မောင်သောင်းစိန်မှာမူ လက်နက် မရှိခြင်းကြောင့် ထိုလူများ ဗိုလ်ချုပ်တို့အစည်းအဝေးပြုလုပ်ရာ အခန်းဝဆီသို့ ချည်းကပ်သွားနေသည်ကို အံ့သြခြင်းကြီးစွာ ကြည့်နေရုံမှ တပါး အခြားမရှိခဲ့ပေ ။ ထို့နောက် သတိဝင်လာပီး ဟန့်တားမည်အပြု မောင်စိုးနှင့် သက်နှင်းက သူ့အား သေနတ်ဖြင့်ချိန်ပီး ငြိမ်ငြိမ်နေရန် ပြော၍ သူ့အား တွန်း တိုက်ကာ အခန်းတွင်း သို့ ဝင်ရောက်သွားလေတော့ သည်။

ထို့နောက် သေနတ်သမားများ သည် ဗိုလ်ချုပ်အောင်ဆန်းနှင့် ဝန်ကြီးများဘက်သို့ သေနတ်ဖြင့်ချိန်ရွယ်၍ “ မပြေးနဲ့။ မထနဲ့” ဟု အော်ဟစ်လိုက်သည်။ ထိုအချိန်တွင် သတ္တိကောင်းသော ဗိုလ်ချုပ်က ခုံမှ ထရပ်လိုက် သည်နှင့် မောင်စိုးက “ပစ် ပစ် ပစ်” ဟု အမိန့်ပေးပီး သေနတ်သမားတို့က တရစပ်ပစ်ခတ်လေတော့သည်။ သေနတ်သံ ၁၃ ချက်နှင့်အတူ ဗိုလ်ချှုပ်သည် သွေးအိုင်ထဲတွင် လဲကျငြိမ်သက်သွားသည် ။ ထို့နောက်တွင် မှ တခန်းလုံး ကို မွှေ့ယမ်းပစ်ခတ်သည်။ မောင်စိုး၊ မောင်စိန်နှင့် သက်နှင်းတို့သည် ဒူးထောက်၍လဲ လဲကျနေသော ဝန်ကြီးများကို ထပ်မံပစ်ခတ်ကြသည်။ စက္ကန့် ၃၀ခန့် ပစ်ခတ်ပီးနောက် မောင်စိုးက သူ့လူများကို အမိန့်ပေး ၍ ပြန်လည်ဆုတ်ခွာသွားတော့သည်။ ထိုအချိန်တွင် သေနတ်သံများကြောင့် ဦးရာဇတ်၏ ကိုယ်ရံတော် ရဲဘော်ကိုထွေးသည် ပစ္စတိုသေနတ်ကို ကိုင်လျက် အခန်းတွင်းမှ ပြေးထွက်လာသည်။ ထိုအခါ သေနတ်သံများကြောင့် ရှေ့ဆုံးမှ ပြေးတက် လာသော ရန်ကြီးအောင်က ရဲဘော်ကိုထွေးအား စတင်းဂန်းဖြင့် ဆက်တိုက်ပစ်ခတ်ရာ သေနတ်ဒဏ်ရာ ၄ချက်ထိမှန်ပီး လဲကျသွားသည်။


သေနတ်သမား တို့သည် “ အောင်ပြီ၊ အောင်ပြီ” ဟု အော်ဟစ် ၍ အတွင်းဝန်ရုံးအပေါ်ထပ် မှ ပြေးဆင်းလာကာ အသင့် ရှိနေသော ဂျစ်ကားပေါ် သို့ ပြေးတက်ကြလေသည်။ ဂျစ်ကားမှာ ရုတ်တရက် စက်နှိုးမရဖြစ်နေ၍ ကားမောင်းသူ သုခအား ဖယ်ခိုင်းပီး မောင်စိန်က စက်နှိုးမှ စက်နှိုးကာ ကားမှာ မောင်းထွက်သွားလေသည်။ ထိုကားသည် ဒါလဟိုဇီလမ်းမှ အေဒီလမ်းသို့ တိုက်ရိုက်မောင်းနှင်သွားပီး ခြံဝန်းတခုအတွင်း သို့ မောင်းဝင်သွားလေသည် ။ ထိုခြံဝန်းထဲ တွင် အကျီအဖြူ။ အပြာရောင်ဘောင်းဘီတို ဝတ်ထားသော လူတဦးက စောင့်ဆိုင်းလျက်ရှိနေပီး သေနတ်သမားတို့ ပြန်လာသော အခါ “ အောင်ပြီ ” ဟူ၍လည်းကောင်း” ငါကြံရင် ခံနိုင်ရိုးလား” ဟုလည်းကောင်း ကြွေးကြော်ပီး သောက်စားအောင်ပွဲခံနေကြသည်။ ထိုအချိန်မှာပင် ခင်မောင်ရင်တို့ မောင်းနှင်လာသော ဟော့ဆန်ထရပ် ကားမှာ လည်း ပြန်လည်ရောက် ရှိလာသည်။ ထို့နောက် စုစည်း၍ အောင်ပြီ အောင်ပြီဟု ကြွေးကြော်ကြသည် ။ ထိုလူမှာ မျိုးချစ်ပါတီ၏ ဥက္ကဌဖြစ်သော ဂဠုန်ဦးစောပင် ဖြစ်လေေ တာ့သည်။

အတွင်းဝန်များရုံးတွင်မူ ၁၀ နာရီနှင့် ၃၇ မိနစ်တွင် ယမ်းငွေ့များနှင့် အုံဆိုင်းနေသော အခန်းတွင်းသို့ ပထမဆုံးရောက်ရှိလာသူမှာ ဗိုလ်ချုပ်၏ အပါးတော်မြဲ ဗိုလ်ထွန်းလှ(ဝါ)တက္ကသိုလ်နေဝင်း ဖြစ်သည်။ ဗိုလ်ချုပ်အောင်ဆန်းသည် သေနတ်ဒဏ်ရာ ၁၃ ချက်ဖြင့် လဲလျောင်းလျက်ရှိလေသည်။ သခင်မြ၏ အဆုတ်မှာလဲ ကျည်ဆံဖောက်ထွက်သွားပီး ကွယ်လွန်နေချေပီ။ ဦးရာဇတ်မှာမူ ကျည်ဆံ ၆ချက်ထိ မှန်ခဲ့ပီး အသက်မသေသေး ပဲ နောက်ဆုံးထွက်သက်ကို ညင်ညင်သာသာရှူသွားနိုင်ခဲ့သည်။ ဗိုလ်ချုပ်၏ အကို ဦးဘဝင်းတွင် သေနတ်ကျည်ဆံ ၈ချက် ရရှိခဲ့ပီး မန်းဘခိုင်တွင် သေနတ်ဒဏ်ရာ ၁၅ချက် ရရှိခဲ့သည်။ ဘယ်ဘက်ခြမ်းတွင် ဒဏ်ရာရသူမှာ တဦးထဲသာဖြစ်ပီး မိုင်းပွန်စော်ဘွားကြီးဖြစ်သည်။ သူ၏ လည်ပင်းကို ကျည်ဆံဖောက်ထွက်သွားခဲ့သည်။

ပါးစပ်မှ သွေးများစီးကျနေကာ ရေတောင်းခံနေရှာသည်။ အတွင်းဝန်ဦးအုန်းမောင် လဲ ကျည်ဆံရာများဖြင့် ကျဆုံးလျက်ရှိသည်။ ကျန်သူများမှာ ခုံအောက်တွင် ပုန်းနေနိုင်ခဲ့၍ အသက်မသေပဲ ကျန်ရစ်ခဲ့ကြသည်။ ဗိုလ်ချုပ်၏ ရုပ်အလောင်းကို ပထမဆုံးရောက်လာသော မီးသတ်ကားဖြင့် ရန်ကုန်ဆေးရုံကြီးသို့ ပို့ဆောင်ခဲ့ပီး ဆရာဝန်ကြီးဦးဘသန်းက ကြိုးစားခွဲစိတ်ခဲ့သေးသော်လည်း အသက်ပြန်မရှင်နိုင်ခဲ့တော့ပေ။ အတွင်းဝန်ရုံးတွင် ၆ ဦးသေဆုံး ခဲ့ပီး ကျန် ၃ဦးမှာ အခြားနေ့တွင် ကွယ်လွန်ခဲ့သည်။ ဦးခေါင်းကို ကျည်ဆံထိမှန်ခဲ့သော ဦးဘချိုသည် ထိုနေ့ နေ့လည်ပိုင်းတွင် ကွယ်လွန်ပီး နောက်တနေ့တွင် မိုင်းပွန်စော်ဘွားကြီး ကွယ်လွန်သည် ။ ထို့အတူ ရဲဘော် ကိုထွေးလဲ ဆေးရုံတွင် ကွယ်လွန်သ ည်။

ထိုနေ့ ညနေ ၃ နာရီအချိန် တွင်မူ ဗိုလ်ချုပ်ဖွဲ့စည်းပေးခဲ့သော သောင်းကျန်းသူနှိမ်နင်းရေးတပ်ရင်း ( ၁ )မှ ဗိုလ်မှူးအေးငွေနဲ့ ဗိုလ်သိန်းတန်သည် ရဲမင်းကြီး၏ စေခိုင်းချက်အရ အေဒီလမ်း၊ ခြံအမှတ် ၄ ရှိ ဦးစော၏ နေအိမ်ကို ဝင်ရောက်စီးနင်းကာ ဦးစောနှင့် သူ၏ တပည့် ၃၀ ဦးကို ဖမ်းဆီးနိုင်ခဲ့သည်။ အင်းလျားကန်ထဲတွင် ရေချမြုပ်နှံထားသော သေနတ်များ၊ ကျည်ဆန်များနှင့် လက်ပစ်ဗုံးများကိုလဲ ရှာဖွေတွေ့ရှိခဲ့သည်။ ထို့နောက် လွှတ်တော်တရားဝန်ကြီးဦးကျော်မြင့် ခေါင်းဆောင်သည့် တရားသူကြီး ၃ ဦးပါ ခုံသမာဓိအဖွဲ့က တရား စီရင်ခဲ့ပီး တရားခံ ၁၀ ဦးကို စစ်ဆေးခဲ့ကာ ဦးစောပါ ၈ ဦးကို သေဒဏ်ချမှတ်ခဲ့သည်။ ၁၉၄၈ ခုနှစ် မေလ ၈ ရက်နေ့ မနက် အာရုဏ်တက်ချိန်တွင် ဦးစောနှင့် ကြံရာပါ ၃ ဦး ကို အင်းစိန်ထောင် ၌ ကြိုးပေး စီရင်ခဲ့သည် ။ ကျန် ၂ ဦးကိုမူ ရန်ကုန်ထောင်ကြီး၌ ကြိုးပေးခဲ့ပီး သုခနဲ့ မောင်နီမှာမူ အယူခံအောင်ခဲ့သဖြင့် အသက်ဘေးမှ လွတ်ကင်းခဲ့ပီး တသက်တကျွန်း ကျခံခဲ့ရသည်။

ထိုသို့ဖြင့်ပင် မြန်မာပြည်၏ အကြီးမြတ်ဆုံး ခေါင်းဆောင်ကြီးများ တချိန်ထဲကျဆုံးခဲ့ကြပီး မြန်မာနိုင်ငံ၏ ကံကြမ္မာမှာ ယခုထက်ပင် ဆိုးရွားနေဆဲဖြစ်သည်။ ထိုသတင်းကို ကြားသိရသော ပြည်သူများမှာ လူမျိုးဘာသာမရွေး ပူဆွေးခဲ့ကြ သည် ။ ကွယ်လွန်ချိန်က ဗိုလ်ချုပ်၏အသက်မှာ ၃၂နှစ်သာ ရှိသေးသည်။ ဆရာဇော်ဂျီက အမျိုးသားပျက်သုန်းခြင်းဟု အမည်တပ်ခဲ့သည်။ ထို့နောက် ဆိုရှယ်လစ်များ က ဗိုလ်ချုပ်၏ဇနီးဒေါ်ခင်ကြည်ကို သံအမတ်ကြီးအဖြစ် တာဝန်ပေးအပ်ခဲ့ပီး ကလေးများကိုပါ နိုင်ငံရပ်ခြားသို့ ခေါ်ဆောင်သွားစေကာ မြန်မာပြည်နိုင်ငံရေးတွင် အောင်ဆန်းမျိုးဆက် ကို အပီးတိုင်ရှင်းထုတ်ခဲ့ကြလေသည်။ ထိုသို့ဖြင့်ပင် မြန်မာနိုင်ငံ၏ လွတ်လပ်ရေးဖခင်ကြီးဗိုလ်ချုပ်အောင်ဆန်း၏ လှုပ်ရှားမှုများ ရပ်တန့်ခဲ့ရကာ ၎င်း၏ မျိုးဆက်များ သည်လဲ မြန်မာနိုင်ငံမှာ ထွက်ခွာခဲ့ရတော့သည်။ ပြည်သူများမှာ အာဇာနည်နေ့ရောက်တိုင်း၊ ဆူပူအုံကြွမှုများဖြစ်ပွားတိုင်းတွင် အဖဗိုလ်ချုပ်အောင်ဆန်းကိုသာ တိုင်တည် အားထားခဲ့ကြရတော့သည် ။ ထို့ကြောင့် အာဇာနည်နေ့အခမ်းအနားများကို မှေးမှိန်အောင် ပြုလုပ်ခဲ့သလို ငွေစက္ကူများမှ ဗိုလ်ချုပ်ပုံများ ကိုလဲ ဖယ်ရှားပစ်ခဲ့ကြသည်။ သို့သော်…

ဗိုလ်ချုပ်သည် မြန်မာပြည်သူများအတွက် ခေါင်းဆောင်တဦးကို မွေးဖွားချန်ရစ်ထားခဲ့ပေသည်။ ဗိုလ်ချုပ်အောင်ဆန်းသည် ၎င်း သေရတော့မည့်ကြိုတင်သိခဲ့သည်အလား ထင်မှတ်ရပေသည်။ ဘုရင်ခံနှင့် တွေ့ဆုံချိန်တွင် ကျနော် အလွန်ဆုံးနေရ ၃နှစ်ထက် မပိုတော့ပါဘူးဟု ပြောကြားခဲ့သလို ဇူလိုင် ၁၃ ရက်နေ့ တိုင်းပြည်သို့ မိန့်ကြားသောမိန့်ခွန်းတွင်လဲ “ကနေ့ ကျနော်ပြောခဲ့ ချင် တယ်” ဟု နိမိတ်ပြပြောကြားခဲ့သည်။ ထို့သို့ လုပ်ကြံရှင်းလင်းခဲ့သော်လည်း ဗိုလ်ချုပ်၏ စိတ်ဓာတ်၊ နှလုံးသားတို့ကို အမွေဆက်ခံခဲ့သော ဗိုလ်ချုပ် ၏ သွေးစက်ဖြစ်သော ရင်သွေးငယ် တဦး မှာ လူ့လောက သို့ ရောက်ရှိလာခဲ့ပီးဖြစ်သည်။ ထိုသို့ဖြင့်ပင် နောင်နှစ်ပေါင်း ၄၀ ခန့်ကြာသောအခါ ထိုကလေးငယ်သည် မြန်မာပြည်သူများ ကို နောက်တဖန် ဖိနှိပ်ခံရခြင်းမှ လွတ်ကင်းအောင် ကြိုးစားပေးရန် မြန်မာနိုင်ငံ သို့ ပြန်လာခဲ့ပေတော့သည် ။ ထိုကလေးငယ်ကား အာဇာနည်နေ့ မနက်က အိမ် မှ ထွက်ခွာချိန် တွင် နောက်ဆုံး အဖြစ် ပါးလေးကို နမ်းခဲ့သော ။ အငယ်ဆုံး နဲ့ အချစ်ဆုံးသမီးလေးဖြစ်သော အောင်ဆန်းစုကြည်(အမေစု)ပင် ဖြစ်လေတော့ သတ ည်း ။ Nay Thway

ဗိုလ်ချုပ်အောင်ဆန်း နှင့် ကျဆုံးလေပြီးသော အာဇာနည်ခေါင်းဆောင်ကြီးများ၏ ဈာပန အခမ်း အနား ရုပ်သံ